Søk

 
KursForedrag og introarFørdekonferansen 2010 Tips for kidsMusikk i sentrum

              
Du er her: Program  »  Tips for kids

 

 

Tips for kids

Torsdag 8. juli kl. 12.00 startar konsertane på den 21. Førdefestivalen, og som vanleg er det ute i byen vår det blir dratt i gang. På TORGSCENA ved Førde Torg vil de få oppleve flotte, fargerike  dansarar frå India.. i tillegg  til mange andre spennande artistar frå mange land.

 

H.M. Dronning Sonja kjem til FØRDEFESTIVALEN!

HIPP HIPP HURRA! I år kjem H. M. Dronning Sonja til opninga av festivalen. Vi håpar at alle i barnehagane vil møte henne med flagg og blide fjes. Her er stadane de kan møte henne på nært hald.

 

 


Torsdag 8. juli: Førdehuset

Ca kl. 19:55 H.M. Dronning Sonja kjem til opningskonserten

 


Fredag 9. juli: Sunnfjord Folkehøgskule


Følgjet kjem ca kl. 09.05 og reiser ca kl. 09.40

Fredag 9. juli:  Førde Torg kl. 09.30 til  kl. 10.30
Hugs å ta med flagg!!

 

Laurdag 10. juli kl. 08.30: Festivalfrukost

Her kan du ete frukost på Langebrua i Førde! Brua blir stengd for bilar, og vi riggar opp med benkar og bord. Festivalfrukosten er eit samarbeid med Kokkenes Mesterlaug Sogn og Fjordane og Bondens Marked Førde, Handelshuset og Coop Mega Førde.


FAMILIEFRAMSYNING

I Berget det Blå

 

I Berget det Blå er ei barneframsyning som handlar om ei vakker prinsesse som har kome bort frå kongen og dronninga. Mange vil freiste å finne henne, men alt dei leitar og ropar, så er og blir prinsessa borte. Ein dag kjem ein ung soldat til kongsgarden. Kongen gjev han løyve til å leite etter prinsessa, og soldaten legg ut på ei ferd som er både farefull og eventyrleg. Undervegs får han hjelp av vesen med magiske krefter!


Dette musikalske forteljarteatret byggjer på eventyret om dei tre kongsdøtrene i berget det blå. Historia speglar sider av menneska som alle kan kjenne seg att i, og det skjer både uventa og spennande ting.

Produksjonen er eit samarbeid med Gloppen Musikkfest, og har urpremiere under Førdefestivalen.



Ingrid Anne Yttri skodespelar | Trygve Ramnefjell skodespelar | Gro Marie Svidal skodespelar, musikk | Mette Brantzeg regi, dramatikk | Solveig Fugelsøy kostyme, masker | Marianne Th. Wedset lysdesign


 

I Berget det blå  -  Urpremiere!
Laurdag 10. juli kl. 13.30-14.15
Stad: Festsalen, Førdehuset
Billettar: Kr 170/50. Med pass: Kr 100/50..
Kjøp billett her

UTEKONSERT

BOBAN I MARKO MARKOVIC ORKESTAR 

Boban og Marko Markovic er verdas beste på trompet, og det er berre å ta med seg far og mor og alle naboane til Festplassen når far Boban og son Marko kjem med orkestret sitt til Førde. For alle som spelar i korps, eller kjenner nokon som spelar i korps, må dette vere eit høgdepunkt på festivalen i år.

 

Balkanmusikk går rasande fort, og det er musikk som gjer deg glad. Det er litt sånn som musikkorps på 17. mai!

Dette er ein utekonsert, så ta med din eigen stol, så er du garantert å få sitje!

 

Laurdag 10. juli kl. 15.00

BOBAN I MARKO MARKOVIC ORKESTAR (Serbia)
Utekonsert på Festplassen

Billettar kr 230/50, med festivalpass fri entré.

Sal av mat og forfriskingar.

Kjøp billettar her

FAMILIEVERKSTAD

På tokt med SJANTIFANTANE

 

Skipparar: To Sjantifantar, alias Håkon Vatle og Roald Kaldestad
 
Ship o’hoi! Gjer deg klar for ramsalte historier og songar med sjøsprøyt!
Dei to sjantifantane Håkon Vatle og Roald Kaldestad syng til vanleg i det populære og energiske Storm Weather Shanty Choir. Sjantikoret gjorde raskt suksess med sin ”tonale storm”, og har sunge på alt frå rockefestivalar til folkemusikklubbar. I duoen To sjantifantar byr Vatle og Kaldestad på sjantiar med kraft og sjel, og sper på med sjømannsskrøner, ramsalte historier og smittande allsong! Dette er musikk som fengar både stor og liten, ung og gamal, så det berre å dra på seg sjøstøvlane og få heile familien med på toktet!  Ta i alle saman: Ship o’hoi!

 

www.shantychoir.com


Laurdag 10. juli:
kl. 12.15-13.00  Familieverkstad 
Kursavgift: kr 100,-/kr 50,- (med pass)
Påmelding: Festivalkontoret, tlf. 57 72 19 40

 

BILLETTAR

Barnebillett : 50,-  Festivalpass for born: 170,- * / Festivalpass vaksne kr 820,- / ungdoms og studentpass kr 400,-

 

** Passa gjev fritt tilgjenge til 4 konsertar i Idrettshallen m/ dans i Førdehuset, og utekonserten laurdag ettermiddag, samt 50% rabatt (ekskl gebyr) / barnebillett, på alle andre arrangement, også kurs. 

 

*) Under 14 år, **) 14-20 år eller gyldig studentleg. Legitimasjonsplikt.

 

 

BESTILLING

Billettservice.no, TLF. 815 33 133  og på Posten og Narvesen


Frå måndag 5. juli  kan du  kjøpe og hente billettar på festivalen sitt billettkontor i Førdehuset.


Ope: Mån-ons kl 9-20, tors-laur kl 9-24, søn 10-18.  Tlf. 57 72 19 40


Førde Internasjonale Folkemusikkfestival - Postboks 395, 6801 Førde   |   E-post   |   Logg inn